杜德偉真人好靚仔，令我幾乎忘記左hmv啲碟賣得真係好貴。
話說前日TVB做左個關於香港唱片業既特輯，講既都係依家啲唱片銷量點樣不濟，串流／下載點樣逐漸取代實體唱片（雖然都仲係少過實體），同埋黑膠銷量不跌反昇之類既野，呢啲事實，相信有買開碟既人都略知一二。特輯入面仲訪問左某連鎖唱片店（h_v/hm_/_mv）點樣係逆境中求存，淡化「唱片店」形象，成為一間「賣娛樂」既商店。
從來都唔怪hmv近年除左賣碟之外仲賣多左其他唔關音樂事既野，大家都明如果hmv唔變既話，好快就會好似Hong Kong Record咁做做下冇咁一間，做做下又冇咁一間，然後唔知去左邊。不過既然hmv仲有意識要保住「賣唱片」呢個老本行，仲識得乘住黑膠風潮「想」將黑膠部門搞得有聲有色，先唔講啲staff對貨品既認識深唔深，售賣唱片種類夠唔夠廣，可唔可以首先將啲黑膠價錢set得合理少少？
朋友／同事見我成日買黑膠，問我係咪好有錢，我話「唔係丫，一個月買兩、三隻，每隻二百蚊，都係幾舊水姐，呢個數平時食餐好少少既、睇多兩套戲都冇左啦」，但佢地既反應通常係「吓，你邊度買架，我見hmv果啲賣成三四百蚊一隻喎⋯⋯」hmv作為行業先驅，成日將黑膠呢樣野推到去一個極唔親民既位置，外人一見到個價錢就耍手擰頭，玩開膠果班一睇個價就知hmv昆明擺檔。一隻出面賣$200既碟，係hmv隨時有機會賣成$300-400，貴成個double，就算我咁好彩識人有staff discount，都仲係貴過街價。呢個已經唔係hmv自己啲碟賣唔賣得出既問題，而係將買膠果班都塑造成一班「亂咁洗錢」既戇膠。hmv有邊啲膠既價會賣得正常少少？Adele、Lana Del Rey、Coldplay囉，但要Pop到咁先叫做有機會係hmv以正常價買到，其他稍為「偏門」、so called「高檔」既野可以接觸到幾多街客？我一年前買過一隻標價$190既Miles Davis《Kind of Blue》黑膠，今日係銅記hmv見到同一隻碟一個版本，賣過$300，我唔知原來依家啲膠通漲到咁發水。我買果個唔係咩Music on Vinyl/Mobile Fidelity Sound Lab靚版本，Discogs價都只係19歐羅（約162港元），就算計埋運費點都唔洗$300啦。
話說前日TVB做左個關於香港唱片業既特輯，講既都係依家啲唱片銷量點樣不濟，串流／下載點樣逐漸取代實體唱片（雖然都仲係少過實體），同埋黑膠銷量不跌反昇之類既野，呢啲事實，相信有買開碟既人都略知一二。特輯入面仲訪問左某連鎖唱片店（h_v/hm_/_mv）點樣係逆境中求存，淡化「唱片店」形象，成為一間「賣娛樂」既商店。
從來都唔怪hmv近年除左賣碟之外仲賣多左其他唔關音樂事既野，大家都明如果hmv唔變既話，好快就會好似Hong Kong Record咁做做下冇咁一間，做做下又冇咁一間，然後唔知去左邊。不過既然hmv仲有意識要保住「賣唱片」呢個老本行，仲識得乘住黑膠風潮「想」將黑膠部門搞得有聲有色，先唔講啲staff對貨品既認識深唔深，售賣唱片種類夠唔夠廣，可唔可以首先將啲黑膠價錢set得合理少少？
朋友／同事見我成日買黑膠，問我係咪好有錢，我話「唔係丫，一個月買兩、三隻，每隻二百蚊，都係幾舊水姐，呢個數平時食餐好少少既、睇多兩套戲都冇左啦」，但佢地既反應通常係「吓，你邊度買架，我見hmv果啲賣成三四百蚊一隻喎⋯⋯」hmv作為行業先驅，成日將黑膠呢樣野推到去一個極唔親民既位置，外人一見到個價錢就耍手擰頭，玩開膠果班一睇個價就知hmv昆明擺檔。一隻出面賣$200既碟，係hmv隨時有機會賣成$300-400，貴成個double，就算我咁好彩識人有staff discount，都仲係貴過街價。呢個已經唔係hmv自己啲碟賣唔賣得出既問題，而係將買膠果班都塑造成一班「亂咁洗錢」既戇膠。hmv有邊啲膠既價會賣得正常少少？Adele、Lana Del Rey、Coldplay囉，但要Pop到咁先叫做有機會係hmv以正常價買到，其他稍為「偏門」、so called「高檔」既野可以接觸到幾多街客？我一年前買過一隻標價$190既Miles Davis《Kind of Blue》黑膠，今日係銅記hmv見到同一隻碟一個版本，賣過$300，我唔知原來依家啲膠通漲到咁發水。我買果個唔係咩Music on Vinyl/Mobile Fidelity Sound Lab靚版本，Discogs價都只係19歐羅（約162港元），就算計埋運費點都唔洗$300啦。
沒有留言 :
張貼留言